ДОМ ја напушта владејачката коалиција

Партијата ДОМ на Лилјана Поповска официјално ја напушта владината коалиција.

-На вчерашната седница на Извршниот одбор на ДОМ беше разгледувана политичката ситуација во земјата и беше донесена одлука за излегување од владината коалиција – се наведува во соопштението на ДОМ.

Извршниот одбор заклучил дека со овој чекор ДОМ ќе помогне во разрешувањето на длабоката политичка криза која е закана за стабилноста на Република Македонија.

Оваа одлука ќе биде предложена на Централниот одбор што ќе се одржи деновиве.