Во Собранието на Република Северна Македонија денеска ќе биде доделена државната награда „Св. Климент Охридски“ за 2019 година за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на државата.
Одборот за доделување на државната награда „Св. Климент Охридски“ соопшти дека за остварување во областа на воспитанието и образованието наградата му се доделува на албанологот Агим Паљоска.
Наградата за остварување во областа на културата и уметноста, пак, им се доделува на писателот Димитар Башевски, на оперската пејачка Весна Ѓиновска-Илкова и естрадниот уметник Виолета Томовска.
Што се однесува до наградата за остварување во областа на здравството, таа ќе му биде доделена на Дејан Докиќ, пулмолог-алерголог.