Додека Заев го брише „бугарскиот окупатор“, Пендаровски се сретна со Американско-еврејскиот комитет

by fokus 08:48
08:48

Претседателот Стево Пендаровски за време на посетата на САД по повод неговото учество на 76. Генерално собрание на Обединетите нации, во Њујорк имаше средба со претставници на Американско-еврејскиот комитет. Оваа среда коинцидира со изјавите на премиерот Зоран Заев дека „бугарскиот фашистички окупатор“ ќе се брише од учебниците и ќе се замени со „фашистички окупатор“.

Претседателот Пендаровски изрази задоволство од билатералните односи на Северна Македонија со САД и со Израел, на кои нашата земја придава големо значење и притоа го изрази постојаниот интерес за понатамошна промоција и зајакнување на односите во сите области од заеднички интерес со двете држави, соопшти кабинетот на шефот на државата.

- Advertisements -

На средбата Пендаровски ја нагласи важноста од одржување редовни контакти со израелските колеги, како и со претставниците на Американско-еврејскиот комитет, Светскиот еврејски конгрес, Еврејската агенција и преживеаните од холокаустот.

Во тој контекст, претседателот изрази очекување дека одличното ниво на дијалог, соработка и меѓусебно почитување и разбирање со Американско-еврејскиот комитет во наредниот период ќе продолжи со истата динамика. Тој изрази и уверување за уште поплодна соработка во сите области од заеднички интерес, имајќи ги предвид истите заложби за мир, демократија и просперитет на глобално ниво.

Поврзани новости