До 15 часот гласале 30,86 % од иселениците

by fokus

До 15 часот, 30,86% од иселениците во дипломатско конзуларните претставништва излегле да го остварат своето право на глас, велат од ДИК.

Сараево, Брисел и Прага се градовите со најголем процент на излезност на денешното гласање на дијаспората за вториот круг од претседателските избори.

Споредбено со првиот круг, според официјалните бројки од ДИК, има поголема излезност во дијаспората. Во сите 32 дипломатско конзуларни претставништва право на глас имаат 1781 избирач запишан во избирачкиот список.

Гласањето е веќе завршено во избирачките места во Канбера каде излегле 49,02% или 51 гласач и Мелбурн каде гласале 50 отсто од пријавените гласачи, а поради временската разлика гласањето се уште не е започнато во САД и Канада.

Поврзани новости