Дислокација на „Скопје 2014“

Заедно со Градот Скопје под раководство на Петре Шилегов, сите споменици во центарот на Скопје ќе ги дислоцираме во полјана близу до Скопје и ќе направиме музеј од споменици, изјави лидерот на СДСМ, Зоран Заев.

-Тоа може државата да го поднесе, не чини пари и ќе го реализираме за да остане симбол дека Скопје е прогресивно, дека Скопје слуша, дека Владата слуша и постапува по укажување на граѓаните. Овој период сме исправени сите пред нешто што е наша реалност и што беше реалност и пред четири години – изјави премиерот.

Според него, може да се направи паралела што се случувало овие четири години со навратување на претходните 11 години.