Директорот на „Плодност“: Ќе ја затвориме болницата на 14 дена, сите вработени во самоизолација

Првиот човек на болницата „Плодност“ од Битола преку видео обраќање во јавноста кое го објави ТВ 21 информираше за состојбата на докторот кој е прв случај позитивен на корона вирус во Битола.

Д-р Таше Трпчевски информираше дека состојбата на докторот е стабилна и дека болницата „Плодност“ иако имала можност за смена на целиот кадар со цел продолжување на работа, сепак одлучиле таа да биде затворена, а сите 14 дена да се наоѓаат во самоизолација.

И министерот за здравствено, Венко Филипче на денешната прес конференција рече дека болницата ќе биде затворена 14 дена.