Директорката на Клиниката за детски болести поднесе оставка

by fokus

Директорката на Клиниката за детски болести, Катерина Ставриќ поднела оставка од функцијата за време на изборната кампања.

Министерот за здравство, Венко Филипче, денеска изјави дека ќе разговара со Ставриќ за тоа дали ќе остане на идејата да се повлече од директорското место.

-Директорката на Клиниката за педијатрија за време на изборниот период поднесе оставка. Треба деновиве да разговараме да видам за што станува збор, дали ќе остане на таа идеја да се повлече или ќе сака и понатаму да продолжи да раководи со Клиниката. Доколку остане на идејата да се повлече ќе разговараме со друг кандидат за директор – изјави Филипче.

„Фокус“ ја побара докторката Ставриќ за појаснување, но таа не одговори на телефонските повици.

Поврзани новости