Директно се судриле моторцикл и автомобил

Во сообраќајна несреќа меѓу моторцикл и автомобил, тешко повреден е моторциклистот, информираа од МВР.

Според полицијата, вчера околу 17,15 часот во Скопје на улица „Маџари“ се случила сообраќајна незгода помеѓу моторцикл „Трува“ со скопски регистарски ознаки управуван од К.Н.(21) во Скопје и патничко моторно возило “Фиат Пунто“ исто така со скопски регистарски ознаки управувано од Л.Б.(55) од Скопје. Од незгодата со тешки телесни повреди се задобил К.Н. кој со возило на Итна медицинска помош бил пренесен во Комплекс клиники “Мајка Тереза” каде е задржан на понатамошно лекување. Извршен е увид на местото на настанот.