Диносаурус во скопската Зоолошка градина

Во скопската Зоолошка градина пристигна првата од трите скулптури на диносаурус, изработени од рециклиран отпад.

„Пристигна првиот од трите диносауруси, скулптури на уметникот Андреј Миневски, кои се изработени од рециклиран отпад, железо. Андреј се приклучи во кампањата “Креирај и донирај”, а неговите уметнички дела посетителите ќе може да ги видат до јуни. Голема благодарност до господинот Миневски и до ЈП Водовод и канализација Скопје кои ги пренесуваат диносаурусите и несебично секогаш помагаат на Зоо Скопје“, информираа од таму.