957
Вицепремиерот за европски прашања Никола Димитров денеска се сретна со овластениот министер за Европа и надворешни работи на Република Албанија, Гент Цакај, кој престојува во официјална посета на Република Северна Македонија.
Во фокусот на разговорот, како што соопшти СЕП, биле претстојната финализација на Преговарачката рамка и можностите кои се пред двете држави во наредниот период.
Соговорниците се осврнаа и на успешната прекугранична соработка во рамки на европските инструменти и влијанието кои таа ги има врз зближување на луѓето и бизнисите од граничните региони.
-Новата Методологија за пристапување овозможува подинамичен и посуштински преговарачки процес. Нашата цел е тоа целосно да го искористиме“, посочи Димитров.