Димитров: Тоа што нашата Македонија се наоѓа во северниот дел не не прави помалку Македонци

by Фокус

Министерот за надворешни работи Никола Димитров денес во парламентот изјави кон Договорот со Грција не треба да се гледа само како кон цел за одење напред кон ЕУ и НАТО, туку треба да се гледа кон аспектот на идентитетските прашања.

– Ние практично предизвиците за македонското прашање, за идентитетот на Македонците и на македонскиот народ и дека зборуваме македонски јазик го затвораме со овој договор, укажувајќи дека нашата држава Македонија не е целиот регион и се наоѓа во северниот дел, ама тоа не не прави помалку Македонци и помалку Македонија – изјави тој.

Министерот Димитров воедно порача дека не постои проблем во Преамбулата на Уставот да се наведат сите правни, државотворни и правни одлуки, но, како што рече тој, има проблем со политичките декларации од тоа време, кои, според него, не соодветствуваат со денешното време.

Поврзани новости