Димитров се сретна со неговиот холандски колега

by fokus 19:00
19:00

Вториот ден од работната посета на Хаг,  министерот за надворешни работи, Никола Димитров го заокружи со средба со Стеф Блок, министер за надворешни работи на Холандија.

-Министерот Блок го поздрави периодот на стабилност во Р.Македонија, нагласувајќи ја потребата од континуиран напредок. Димитров ги образложи чекорите преземени од страна на Владата на Република Македонија на внатрешен и надворешен план, како и нивната заемна  поврзаност. Министерот Димитров нагласи дека ЕУ интеграцијата е најдобрата трансформациска алатка во поддршка на реформскиот процес, се вели во соопштението од МНР.

- Advertisements -

 Целосно го прифаќаме холандскиот строг и фер“ пристап кон ЕУ интеграцискиот процес. Тоа е формула која на Република Македонија и’ е потребна поради трансформација на државата во стабилна европска демократија“, рекол Димитров.

Димитров имаше обраќање и пред членовите на Комисијата за европски прашања во Парламентот на Холандија. Пред холандските пратеници, Димитров нагласи дека намерата не е да се одбегнуваат  проблеми, туку истите да се решаваат. Министерот нагласи: Во однос на ЕУ интеграцијата, поважни од прашањето Кога?”се прашањатаКако?” и Што?” во остварување на реформски напредок.”

Генералниот секретар во Министерството за одбрана, Вим Хертс, на средбата со Димитров упати пораки на поддршка за НАТО членството на Република Македонија.

Министерот се сретна и со Мартијн Лукасен, советникот за ЕУ прашања на Премиерот на Холандија, како и со Матијс ван дер Плас, генерален директор за европска соработка во холандското МНР.

Поврзани новости