ДИК повторно ќе го прочистува избирачкиот список

by fokus 14:24
14:24

Државната изборна комисија во моментов го одржува првиот состанок на Работната група која има цел уште еднаш да го прочешла избирачкиот список.

Освен членовите од ДИК, на состанокотприсуствуваат и претставници на четирите партии, предводени од Никола Тодоров, Дамјан Манчевски, Беким Фазлиу и Артан Груби, како и претставници на ОДИХР, на ИФЕС.

Присутни се и претставници од МВР, Заводот за статистика, матична евиденција, како и домашните организации МОСТ и ЦИВИЛ и други организации кои можат да помогнат во процесот.

Претседателот на ДИК, Александар Чичаковски само кусо изјави дека сите актери и учесници ги презентирале своите почетни позиции, по што се очекува да се утврди нов модел за уште една проверка на избирачкиот список.

ДИК, пред откажувањето на изборите, на 5 јуни, со мнозинство гласови одлучи дека списокот е проверен и прочистен и оти Комисијата е подготвена за организирање на гласањето.

Според опозицијата и натаму се спорни околу 150 000 записи во избирачкиот список.

Поврзани новости