ДИК: Без проблем се одвива гласањето на затворениците, болните, изнемоштените и раселените

by fokus 13:12
13:12

Гласањето на болните, изнемоштените и раселените лица, како и на затворениците во казнено поправните установи, што се одржува ден пред утрешните локални избори, засега се одвива добро и без проблеми, соопшти портпаролката на Државната изборна комисја, Љупка Гугучевска.

Гласачките места се отворени во 7 часот утрото и гласањето ќе трае до 19 часот.

На ден пред изборите се гласа во 13 казнено-поравни установи каде право на глас имаат 1.882 избирачи. Своето гласачко право денеска ќе го искористат 5.025 болни и изнемоштени лица, како и лица во куќен притвор. Денеска гласаат и девет внатрешно раселени лица.

- Advertising -

ДИК ќе излезе со бројка за текот на денешното гласање по 19 часот.

 

Поврзани новости