Џолев: Утре ќе провериме дали записникот од сведокот во „Рекет“ воопшто стигнал во судот

Во Кривичниот суд утре ќе се проверува дали записникот од сведочењето на Орце Камчев за „Рекет“ воопшто стигнал до судот, за да потоа се види дали можеби протекол од таму.

-Утре ќе провериме дали во судот бил испратен записникот, кусо вели Иван Џолев, претседател на Кривичниот суд.

Вчера пак од Обвинителствот за гонење на организиран криминал и корупција истакнаа дека копии од записникот испратиле во Кривичниот суд, со барањата за притвор на осомничени во „Рекет“.

Од обвинителството исто така појаснија дека копија од записникот не му бил даден на сведокот Камчев.