Џафери: Ако не сакаат избори, нека кажат, не сме венчани

by fokus 10:49
10:49

Сите закони кои ги сметаат за приритетни се ставени на дневен ред, не знам кој со кого се расправа и за што се убедува, но ако сакаат ново парламентарно мнозинство, ред е да дојдат и да кажат, а не да се расправаат преку мене, порачува собранискиот спикер, Талат Џафери во изјава за Дојче веле, по острите пораки кои вчера си ги испратија коалициските партнери.

-Нека објаснат зошто пред шест месеци се договорија да има избори на 12 -ти април! Ако не сакаат избори, ако сакаат ново мнозинство, нека кажат. Не сме венчани. Но, ако со тоа се вратиме во периодот на политичката криза каква што беше во 2015 година, тоа ќе биде нивен проблем“, вели Џафери.

Вели дека секој на негово место би се запрашал „каква е намерата“, ако изјавата за ново мнозинство не доаѓа од кого било, туку од Генералниот секретар на СДСМ.

- Advertising -

„Јас седницата за распуштање на парламентот веќе ја закажав за во недела, 16-ти февруари. Ако некој не сака да се распушти парламентот, нека гласа против. Јас како претседател на парламентот имам обврска да ги обезбедам роковите за изборните дејства. Тоа е индивидуален акт и моја индивидуална одговрност, односно сносам поединечна кривична одговрност доколку не го обезбедам тоа“, вели Џафери.

Поврзани новости