Деветмина починати од корона за едно деноноќие, најмладиот 48 години

by fokus 16:22
16:22

Во едно деноноќие во болнички услови починале девет лица заразени со Ковид -19, пациент од Виница на возраст од 70 години, двајца пациенти од Струмица на возраст од по 67 години, еден четириесет и осумгодишен пациент, шеесет и четиригодишен гостиварец, двајца пациенти од Тетово на возраст од 70 и 71 година, и двајца од Куманово на возраст од 68 и 77 години.

На Инфективната клиника во изминативе 24 часа примени се четири пациенти. Вкупно се хоспитализирани 66 пациенти. На кислородна поддршка се 44 пациент, нема пациенти на механичка вентилација.

- Advertising -

Во болницата во Козле хоспитализирани се четири деца и четири мајки позитивни на Ковид-19, две деца и две мајки суспектни на вирусот.

Во ГОБ „8 Септември“ примени се двајца, а вкупно хоспитализирани се 38 пациенти. На респиратор се пет пациенти.

Во болницата во Битола се хоспитализирани 19, а во болницата во Штип се 39 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 167, позитивни и сомнителни на Ковид-19.

Поврзани новости