Вилијам и Кејт имаат многу работи да им објаснат на своите деца. Кралицата Елизабета (96) се помалку видлива во јавност поради нејзините години кои ѝ донесоа разни заболувања, и со британската монархија која несомнено е во транзиција, малиот Џорџ (9 на 22 јули), Шарлот (7) и Луис (4) наскоро ќе се преселат во Виндзор, но ќе мора да се навикнат и на други промени. Почнувајќи од промена на презимето.
Кога Чарлс ќе стане крал, малите деца од Кембриџ ќе мора да престанат да го користат ова презиме (Кембриџ) и наместо тоа да го усвојат презимето Велс. Самиот Вилијам веќе го нарекуваат така уште од училишните денови, но кога ќе стане принц од Велс, конечно наследувајќи ја титулата од својот татко, Кејт ќе стане принцеза и ќе ја добие истата титула што некогаш ѝ припаѓала на Лејди Дијана. И нивните деца ќе мора да се прилагодат на овие промени.
Во моментов, целосната титула на најстариот син на Вилијам и Кејт е Неговото кралско височество принцот Џорџ од Кембриџ, презиме кое произлегува од војводството што кралицата им го понуди на Вилијам и Кејт по повод нивната венчавка во 2011 година. Но, неговото официјално презиме е Маунтбатен- Виндзор, како и сите потомци на кралицата, иако треба да се користи само на кралските документи.
Сепак, ова нема да биде единствената промена што малите ќе треба да ја очекуваат по доаѓањето на Чарлс на престолот: нивната позиција во кралската хиерархија е исто така предодредена да напредува, со Џорџ втор по редот на наследување на тронот, зад неговиот татко.
Кога неговиот татко Вилијам самиот ќе стане крал, Џорџ ќе ја добие титулата принц од Велс. Додека еден ден Шарлот ќе ја наследи титулата принцеза Ројал од нејзината пратетка Ана, титула која досега им била дадена само на неколку кралски принцези. А Луис можеби ќе остане војводата од Јорк.