Денеска истекува рокот за поднесување обвиненија за предметите што Специјалното јавно обвинителство ги презеде од Јавното обвинителство, а до 30 јуни е рокот за поднесување обвиненија за предметите што произлегуваат од незаконски прислушуваните материјали.
Специјалната јавна обвинителка Катица Јанева во повеќе наврати апелираше Собранието да го продолжи мандатот на СЈО. Таа на последната прес конференција побара Собранието да го укине или да го измени членот 22 од Законот за јавното обвинителство. Членот 22 од Законот за СЈО, за кој се бара изменување или укинување, гласи: „Јавниот обвинител кој раководи со Јавното обвинителство може да покрене обвинение или да нареди запирање на истражна постапка во период не подолг од 18 месеци од денот на преземањето на предметите и материјалите во негова надлежност“.