Демонстрантите го офарбаа Министерството за надворешни работи

Граѓанскиот протест од пред Собрание продолжи кон зградата на Министерството за надворешни работи, чија фасада демонстрантите предмалку ја обоија со шаренило.

Граѓаните скандираат „Оставка”,  „Робија за криминалците и „Нема правда нема мир”.

Демонстрантите веќе дванаесетти ден по ред протестираат против одлуката за колективна аболиција.

На денешниот протест јавно се обратија Бранимир Јовановиќ од партијата „Левица“, новинарот и активист Петрит Сарачини, професорот Иван Бабановски, пејачката Кристина Арнаудова и портпаролот на СДСМ Петре Шилегов, кои зборуваа за Шарената револуција, како и потребата од слобода и мир.