Делува и против омикрон: Британија прва одобри бивалентна вакцина против корона вирус

Британија стана првата земја која одобри вакцина против ковид-19 која има дејство и против оригиналните и против омикрон сојот на корона вирусот.

Според информациите од Островот, Британската Регулаторна агенција за лекови и здравствени производи (MHRA) ја одобри таканаречената бивалентна вакцина која ја произведе американската фармацевтска компанија „Модерна“ како бустер вакцина за возрасни лица, пренесува „Reuters“.