Делегација од МВР на прием кај папата Франциск

Делегацијата на Министерството за внатрешни работи предводена од директорот на Бирото за јавна безбедност Сашо Тасевски која престојува во Ватикан, беше примена од неговата светост папата Франциск, а оствари средба и со Доменико Џиани, раководител на Дирекцијата за безбедност и цивилна заштита.

Како што соопшти МВР, посетата на Делегацијата на МВР од 16 до 18 април е на покана на Жандармскиот корпус на Ватикан, во склоп на подготовките на посетата на Светиот Отец, папата Франциск на Република Северна Македонија.