Режисерот Борис Дамовски денеска пред Апелациониот суд ќе побара да му биде укината мерката притвор која му ја одреди Основниот суд Скопје 1 Скопје за неговото учество во насилните инциденти од крвавиот четврток во Собрание. Дамовски е еден од предводниците на протестите, кои резултираа со крваво насилство врз пратениците.
Кривичниот суд првично му одреди мерка куќен притвор на Дамовски, но Обвинителство ја обжали оваа одлука, по што беше преиначена во мерка издржување притвор во затворот во Шуто Оризари. Оваа мерка потоа беше продолжена за дополнителни 30 дена.
По јавната седница, Апелациониот суд треба да одлучи дали ќе му го укине притворор на Дамовски. До сега Апелација ги потврди сите претходно донесени одлуки на Кривичниот суд за осомничените од 27-ми април, кои се наоѓаат во притвор.