„Бутел“ им дозволи на дел од семејствата да ги земат телата на настраданите

Од вкупно 14 тела на починати во невремето во Скопје во саботата, 11 тела се преземени од семејствата.

Во капелата на АД „Бутел“  се наоѓаат уште три тела кои треба да бидат земени.

Роднините вчера не можеа да ги земат телата на своите блиски поради административни пречки. Им се бараа документи за причините за смртта на жртвите.

Проблемот кој се јави вчера  е решен така што АД „Бутел“ издава службена белешка за починатиот со која семејството продолжува на нотар да потпише изјава дека лицето загинало во поплавите и со двата документи заедно, тие продолжуваат во болницата Букурешт и можат да ги земат телата.