Бугарското МВР ќе истражува каде се вакцинирале оние кои сепак починале од Ковид-19

by fokus

По налог на бугарскиот премиер Кирил Петков тамошното министерство за внатрешни работи ќе проверува каде се вакцинирале сите починати од ковид-19 кои имале потврда за вакцинација.

Петков конкретно му наложил на министерот за внатрешни работи Бојко Рашков да ги истражи сите такви случаи.

-Се надеваме дека побрзо ќе ги фатиме тие што издаваат лажни сертификати за вакцинација, рече Петков.

Петков не соопшти дали владата во Софија ќе донесе нови рестриктивни мерки во исчекување на зголемен број инфекции со сојот омикрон во земјата.

Пред почетокот на новата година владата донесе неколку мерки за да ја поттикне вакцинацијата која во земјата е на многу ниско ниво.

-Првата мерка е додаток од 75 лева за пензионерите и се надевам дека оваа стимулација ќе ги натера луѓето да се вакцинираат. Втората мерка е информативната кампања која веќе започна во декември. Вакцината не е експериментална, нема ризик. Секој има одговорност да се вакцинира за да не завршиме со карнатин. Третата мерка е информираноста на матичните лекари за тоа кои ранливи групи со хронични заболувања може да се вакцинираат, рече Петков.

Поврзани новости