Бучковски: Случувањата денеска значат едно – отворање на вратите на ЕУ

Поранешниот премиер Владо Бучковски во вечерашното гостување на Топ тема на телевизија Телма рече дека случувањата денеска ја разјасниле ситуацијата со датумот за преговори на Македонија.

-Ова што се случува денеска со потврдата дека утре почнува скринингот значи едно: отворање на вратите на ЕУ. Македонија заслужи подобро, но во ситуација кога неколку земји се против проширување, ова е максимумот што можеше да се добие. Македонија во изминативе години често беше колатерална штета, рече Бучковски.