Брестовац повика 19 ракометари за турнирите во Србија и Романија

by fokus 16:29
16:29

Селекторот на машката македонска сениорска ракометна репрезентација, Данило Брестовац, повика 19 ракометари за собирот на 20 декември, со кој ќе почнат подготовките за меѓународните турнири во Србија и Романија.

Во српскиот град Стара Пазова, „црвено-жолтите“ ќе играат два контролни меча против Кувајт и тоа на 25 и 26 декември. Потоа тимот заминува за Букурешт, каде на 28 и 29 декември ќе игра на „Трофеј Карпати“.

Во полуфиналето, ривал на избраниците на Брестовац е Алжир, а наредниот ден ќе имаат дуел со Романија или Холандија.

- Advertising -

Како што беше најавено од претходно, на овие турнири ќе ги нема оние главни ракометари кои се сигурни за настап на ЕП во јануари, а ќе играат тие што треба да се наметнат и да си го заслужат местото во националниот тим.

Поврзани новости