Болница 8-ми Септември: Се утврдува дијагнозата на Бојан Јовановски

-Лицето БЈ е хоспитализирано во нашата установа заради спроведување контролни прегледи по медицина базирана на докази. Дијагностичките процедури се во тек. По завршување на целата постпка, стручниот колегиум ќе се произнесе за констатираната состојба, се вели во нивното соопштение.

Боки 13 ноќта ја поминал под лекарски надзор откако претходно докторот во притворот побарал од судот тој да биде пренесен во болница, потврди за „Фокус“ претходно директорот за истражниот затвор Скопје, Есад Рахиќ.

Пред околу две недели неговиот адвокат Дуковски на прес конференција тврдеше дека Јовановски има сериозни здравствени проблеми и дека никој не сака да издаде решение за негова хоспитализација, но дел од медицинските установи ги демантираа наводите на бранителот . Дуковски посочи дека Боки 13 има нефункционален бубрег и проблеми со желудникот.

Првото рочиштето за случајот “Рекет” е закажано за 3-ти декември.