Богоевски: Сум бил и физички следен, вработени во УБК ме предупредуваа да внимавам

by Фокус

Од вработени во УБК бев предупреден дека моите комуникации се следат, а сум бил и физички следен, изјави поранешниот шеф на тајната полиција Слободан Богоевски, кој беше еден од сведоците во судскиот процес за незаконско прислушување Таргет-Тврдина.

-Како изминуваше времето, се повеќе добивав информации од вработени во УБК да пазам што зборам и со кого се сретнувам. Од 2009 година добив информации дека незаконски се барале ПИ-мерки против мене – рече Богоевски, посочувајќи дека го лепеле за разни случаеви само за да траат ПИ-мерките.

Тој тврди дека овие незаконски следени комуникации биле искористени за да се монтира случај против него и уште неколку други лица, каде, како што рече, единствен доказ е дека се познавал со двајца адвокати.

-Во сите случи на УБК и БЈБ е прекршен законот со снимање на спектакуларни апсења, со лажни сведоци, со незаконски прислушкувани разговори. Со овие постапки се кршел Уставот и Законот од страна на УБК каде шеф бил Сашо Мијалков, Гордана Јанкулоска и нивни блиски – рече Богоевски

Тој истакна дека претрпел голема штета, со оглед дека во притвор поминал со месеци, па затоа бара милион евра.

Поврзани новости