Богоевски: Антикорупциска треба да се утврди кој судија колку ќарил за местење предмети

by fokus 19:45
19:45

Верувам дека ова е само почетокот во истражувањето на богатењето кај минатите (и сегашни) функционери, вели пратеникот Павле Богоевски откако Државната комисија за спречување на корупција по сопствена иницијатива на денешната седница одлучи да отвори предмет за злоупотреби и коруптивни дејства на судиите Владимир Панчевски, Јово Вангеловски, Александра Зафировска, Светлана Костова и Софија Лаличиќ.

„Поранешниот Претседател на Кривичниот суд, Панчевски -преку кого (не) поминуваа сите случаи на СЈО и на злоупотреба на претходната власт, се жали дека Антикорупциска го клевети со истрагата на имотот на судиите.

- Advertisements -

Вели дека до сега бил повикан на разговор само за злоупотребите на АКМИС системот, но не и за дело на корупција (па поради тоа не смеело ниту да се збори за негова евентуална корупција).

Знаеме дека ги местеа случаите кај нивни судии за да предметите завршат како што тие сакаа, тоа ни Панчевски не го спори.

Во истрагата на Антикорупциска треба да се утврди кој колку ќарил за тоа.

А што мислеа, дека ќе им останат становите и парите што ги наплатија за уништувањето на судството???

Има уште многу работа на ова поле“, напиша Богоевски.

 

Поврзани новости