Мерсел Биљали, политички аналитичар за „Фокус“ вели дека нема дилеми – партијата на Груевски конечно ќе стане опозиција, после десетгодишното владеење во Македонија, и дека сите тези дека е можно ДУИ да влезе во коалиција со ВМРО – ДПМНЕ во новата влада, ќе паднат во вода. Меѓународниот фактор ќе одигра во клучниот момент и во разрешување на политичкиот јазол по изборите на 11 декември нема да биде погазена волјата на граѓаните кои својот глас го дадоа за промени.

Во однос на изјавата на Бујар Османи, портпарол на ДУИ, дека партијата на Ахмети би коалицирала само со онаа партија која ќе биде спремна да ги исполни петте ветувања, што му ги дале на албанското гласачко тело за време на изборната кампања, Биљали е уверен  дека тоа нема да се случи, и дека е постизборно тактизирање кога политичарите само купуваат време, правејќи математика со сите можни коалициски комбинаторики.

„ ДУИ само тактизира, партијата на Груевски ќе биде опозиција. Меѓународниот фактор ќе одигра клучна улога и секако дека ќе земе предвид дека на 11 декември мнозинството граѓани гласаа за промени“, вели Биљали.

ДУИ во предизборието вети официјализирање на албанскиот јазик, целосна економска еднаквост (пропорционална распределба на буџетот), целосно спроведување на препораките на Прибе, СЈО да има мандат до влезот на Република Македонија во НАТО, членство во НАТО, консензуално одлучување за сите битни политички прашања.

С.М.

 

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.