Трајанов на локалните избори ќе коалицира со СДСМ

by fokus 16:00
16:00

Претседателството на Демократски сојуз, на вчерашната проширена седница, донесе одлука за учество на локалните избори.

Демократскиот сојуз,  на локалните избори ќе биде дел од коалицијата предводена од СДСМ.

- Advertising -

„Економскиот развој на централно и локално ниво, како и разрешување на проблемите со кои секојдневно се соочуваат граѓаните, се битни предуслови за подобар живот за сите, а младите да останат и создаваат овде во Македонија. За Демократскиот сојуз, врвни приоритети се стабилноста на државата, динамичен економски развој и отворање на нови работни места, реформи во судскиот систем и безбедносните служби, како и ефикасна борба против организираниот криминал и корупција“, велат од партијата на Павле Трајанов.

Демократскиот сојуз оценува дека само со победа на локалните избори ќе се обезбедат услови да продолжат започнатите промени и реформи, кои се неопходни за имплементација на стандардите клучни за влез на Република Македонија во НАТО и ЕУ.

 

Поврзани новости