Бесими: Се прават напори за враќање на опозицијата во парламентот

Има напори опозицијата да се врати во собранието, изјави вицепремиерот за евроинтеграции Фатмир Бесими, додавајќи дека добро би било да се обнови политичкиот дијалог во пресрет на посетата за две седмици на еврокомесарот Јоханес Хан.

– Добро е да се создаде поволна клима уште пред посетата на Хан, со цел, со него да можеме да договориме следна посета на која би разговарале за Високиот дијалог и деталите за негово продолжување – рече Бесими.