Баша: Претседателот ме информира за вознемирувачки факти, нема сила која ќе ја запре ротацијата

by fokus 21:01
21:01

Лидерот на најголемата албанска политичка сила, Демократската партија, Љуљзим Баша, по средбата со лидерите на партиите кои ја сочинуваат обединетата опозиција, во изјава за медумите рече дека шефот на државата го информирал за „вознемирувачки факти и оти нема сила која ќе ја запре ротацијата“, јави дописничката на МИА од Тирана.

– Претседателот ме извести за вознемирувачки факти. Разговаравме за флагрантните прекршувања на Уставот од страна на мнозинството. Оваа Влада има тенденција да го зграпчи Уставниот суд, со што прави државен удар. Кога паѓаат уставните гаранции, сите се изложени на ризик. Нема сила на земјината топка да ја запре политичката ротација и доаѓањето на власт на опозицијата, рече Баша.

- Advertising -

Посочи дека за опозицијата Парламентот е распуштен на 18 февруари минатата година, кога главната опозиција ги вратила пратеничките мандати.

– Сега сме ориентирани кон решенија. Решението не може да биде само кај нашата партија, ротацијата е неизбежна. Рама сака да продолжи и да избегне избори. Ние ќе продолжиме да разговараме со граѓаните и ќе ја објавиме нашата понуда и ќе бараме чесен изборен процес и изборна реформа. Нема сила над земјата која ќе ја запре ротацијата. Сакам да ја направиме со политички средства, но нашето обединување ќе биде големо и неизбежно, рече Баша.

 

Поврзани новости