Бајден: Честитки до Финска, Шведска и Турција

Претседателот на САД, Џо Бајден им честиташе на Финска, Шведска и Турција за постигнувањето договор што ќе го отвори патот на нордиските земји за да се приклучат на НАТО алијансата.

На Твитер, Бајден порача:

„Честитки до Финска, Шведска и Турција за потпишувањето на трилатералниот меморандум – клучен чекор кон НАТО поканата за Финска и Шведска, што ќе ја зајакне нашата Алијанса и ќе ја зајакне нашата колективна безбедност – и одличен начин да започне Самитот“.

Турција првично се спротивстави двете нации да станат дел од Алијансата, поради загриженост за тероризам.