Единствена Македонија соопшти дека седиштето на ДПМНЕ вчера го офарба ВМРО, бидејќи, според проруската партија на Јанчо Бачев, опозициската партија отстапила од изворните принципи за суверена и унитарна Македонија на македонскиот народ со гарантирана положба на малцинствата.
„ДПМНЕ да престане да биде соучесник на марионетската власт во Скопје во погубните политики за рушење на Македонија и Македонците, инспирирано и организирано од странски ментори. За почеток, ДПМНЕ да се изјасни дека е против референдум за името, а доколку марионетската власт во Скопје сепак организира референдум, ДПМНЕ да се изјасни за бојкот и истовремено пратениците на ДПМНЕ да поднесат оставка во Собранието“, повика партијата.
По инциндентот со седиштето на ДПМНЕ, партискиот генсек Игор Јанушев обвини дека тоа е дело на структури од СДСМ, МВР и криминалното подземје, додека владејачката партија го отфрли таквите обвинувања, алудирајќи дека се рабтоти на случај што е производ на внатрепартиски поделби.