Австралија ќе ги укине рестрикциите кога 80 отсто од граѓаните ќе бидат вакцинирани

by Fokus 12:14
12:14

Премиерот на Австралија, Скот Морисон, објави план за справување со коронавирусот со кој услов за отворање на границите и за ставање крај на карантините е 80 отсто од населението да биде целосно вакцинирани.

Австралија има ниска стапна на вакцинација, едвај 14 отсто од населението е целосно имунизирано, а Морисон, без да прецизира конкретен датум, вели дека верува оти до крајот на годината ќе се постигне таа цел.

- Advertisements -

-Роковите сега се во рацете на сите Австралијци, вели Морисон.

Австралија во март 2020 презеде ригорозни мерки за справување со ковид-19 кога речиси целосно ги затвори своите граници за посетители од странство и им забрани на своите граѓани да патуваат.

Шеснаесет месеци подоцна, по појавата на делта-сојот Австралија повторно се соочува со зголемен број на новозаразени. Околу шест милиони лица се во карантин, најголем дел во Сиднеј каде е најавено дека на улиците ќе излезе и војската за да ѝ помогне на полицијата во контролите дали се почитуваат мерките.

 

Поврзани новости