АВМУ ќе донира по 60.000 денари за секое лице загинато во автобуската несреќа

Агенцијата за аудио и аудиовизуелни медиумски услуги (АВМУ) одлучи да додели финансиска помош за семејствата на македонските државјани кои загинаа, како и за повредените во автобуската несреќа што се случи рано изутринава во Бугарија.

Донацијата е во висина од 60.000 денари за секое загинато лице поединечно. За лицата коишто се наоѓаат на болничко лекување, финансиската помош е во висина од по 30.000 денари. Финансиските средства ќе бидат уплатени преку Црвениот крст.

Агенцијата изразува длабоко сочувство до семејствата и блиските на загинатите лица во оваа трагедија.

– На сите повредени лица им посакуваме побрзо оздравување, соопшти АВМУ.