Асмира Кочан се повлекува од врвот на компаниите на сопругот

by fokus 23:03
23:03

Сопругата на осомничениот бизнисмен Сеад Кочан, Асмира Кочан, денеска се повлече од менаџерската позиција во фирмата „Трансмет лаб ДООЕЛ“, фирма ќерка на компанијата „Трансмет ДОО“, која е под истрага на Специјалното јавно обвинителство.

Како што јави НОВАТВ, денеска во Централниот регистер е впишана промената во раководството во компанијата и за нов директор во „Трансмет лаб“ е назначена Селма Кочан.

- Advertisements -

Ова следува само неколку дена откако нејзиниот сопруг излезе од државата додека по него е распишана потерница за притвор.

Порталот Нова ТВ при проверка во Центаралниот регистар забележал дека Асмира Кочан е повлечена и од директорската позиција во телевизијата Нова, минатата година.

Нејзиниот сопруг и натаму е во бегство, а по него е распишана и меѓународна потерница. Неговиот адвокат тврди дека тој е на службен пат и дека решението за негово притворање било незаконско. Додека Кочан е надвор од државата, Апелацијата ќе одлучува за решението за притвор, кое беше издадено на барање СЈО. Кочан се сомничи за местење тендери од ЕЛЕМ во вредност од 17 милиони евра.

Поврзани новости