Обложувалниците против законските измени: Скоро 8 илјади луѓе ќе останат без работа, а државата ќе загуби 250 милиони евра годишно!

by Фокус

Асоцијацијата на спортски обложувалници на Македонија предупредува дека со предлог измените на Закон за игрите на среќа и забавните игри, кои предвидуваат отворање на казина и обложувалници само на одалеченост од 3 километри од населено место, 7.700 луѓе преку ноќ остануваат без работа.

„Дали се подготвени да избришат една цела стопанска гранка која дава значаен придонес во државниот буџет и директно вработува 7.700 луѓе кои индиректно подржуваат 54.000 работни места во други стопански гранки? Дали се подготвени да ризикуваат да избришат една целосно регулирана индустрија и да создадат услови за нелегално обложување и сива економија? Освен за обложувалниците, ова ќе значи и огромна загуба за државата која притоа ќе ги загуби и 253 милиони евра, кои по основ на давачки и даноци секоја година се слеваат во државната каса“, соопштија од АСОМ.

Откако предлог законот се најде на собраниска седница, од таму предупредуваат дека законот се носи без соодветни претходни анализи на состојбата, социјални и финансиски импликации кои би ги предизвикале.

„За своето работење спортските обложувалници плаќааат лиценци кон државата кои им гарантираат услови за работа во периодот за којшто е издадена таа лиценца. На основ на издадената лиценца, приредувачите на игри на среќа во обложувалница ги прават своите проекции за инвестирање, нови вработувања и развој. Условите кои ги наметнува новиот закон значат прекин на правата кои ги регулира лиценцата. Како државата ќе ги обештети и надомести средствата дадени за лиценца и инвестиции по секое уплатно место?“, прашуваат од таму.

Поврзани новости