ФОТО: Портрети на поранешните премиери – Груевски најголем, Љубчо и Бранко еден до друг

by Fokus 15:20
15:20

Новинарите кои денеска имаа пристап до ходниците и салите во владината зграда на Илинденска можеа да ги видат и портретите на поранешните премиери на плурална Македонија.

Овие портрети се насликани и нарачани за време на владеењето на Никола Груевски, чиј портрет, случајно или се, се разликува од сите други по тоа што е најголем, се наоѓа во хоризонтална положба, а зад ликот на лидерот на ВМРО-ДПМНЕ се вее македонското знаме.

- Advertisements -

Македонско знаме има уште на портретот на последниот технички премиер Емил Димитриев, кој дојде на оваа функција по пржинските преговори, кои резултираа со повлекување на Груевски и назначување на нов премиер од ВМРО-ДПМНЕ.

Интересно е тоа што сликите на лутите политички ривали во деведесеттите години на минатиот век – Бранко Црвенковски и Љубчо Георгиевски, кои во на локалните избори во 2013 година формираа коалиција против Груевски, се поставени еден до друг.

Рамо до рамо уште стојат и Владо Бучковски и Хари Костов, кои дојдоа на оваа функција по заминувањето на Црвенковски во претседателската вила на Водно во 2004 година, што отвори борба меѓу неговите наследници во партијата, но и во егзекутивата.

Прв и осамен е портретот на првиот македонски премиер во рамки на експертската влада до 1992 година, Никола Кљусев, кој се смета за ментор на довчерашниот премиер и се уште актуелен лидер на ВМРО-ДПМНЕ – Груевски.

В.С.

Поврзани новости