Арсовски: Шилегов нема намера да се откаже од труењето на скопјани

Петре Шилегов нема намера да се откаже од труењето на скопјани, истакна денеска на прес-конференција Димче Арсовски од ВМРО-ДПМНЕ, кој зборуваше околу наводите дека сомнителен бизнисмен од Хрватска ќе го пресели опасниот бизнис со отровен отпад од странство, во Македонија.

„Петре Шилегов се уште не одговори дали нов партнер на градот во бизнисот со рециклажа на опасен отпад ќе биде лицето Петар Припуз кој е криминално гонет во Хрватска. Шилегов не кажува дали Припуз кој е сопственик на ЦИОС и уште други десетина компании, ќе го пресели опасниот бизнис со најотровниот отпад од странство во Македонија и ќе ги труе граѓаните на Скопје“, обвини партискиот портпарол.