Арнаутовиќ: Се повеќе жалам за реакцијата кон Алиоски

by fokus

Австрискиот репрезентативец Марко Арнаутовиќ доби суспензија од еден натпревар за навредите што му ги упати на македонскиот репрезентативец Езџјан Алиоски во победата на Австрија против Македонија од 3-1. Пред да ја добие казната, Арнаутовиќ прво се извини преку медиумите, а потоа и преку социјалните мрежи на македонски и албански јазик. Денес тој повторно изрази жалење поради неговата бесна реакција.

„Со оглед на тоа дека сум татко на две ќерки и свесен сум за моето влијание, посебно кај децата, жалам сѐ повеќе поради мојата реакција. За жал, постоеше провокација на која реагирав бесно, но нема оправдување за тоа што се случи. По натпреварот ние зборувавме и се извинивме еден на друг. Ќе донирам и 25.000 евра во Австрија, но за жал нема да можам да играм утре против Холандија, сепак ќе го дадам мојот максимум во следниот меч со Украина“, напиша Арнаутовиќ.

Поврзани новости