АПМ: Пратениците не треба да земаат плата ако не изберат претседател

by fokus

Алијансата за позитивна Македонија смета дека новото парламентарно мнозинство треба веднаш да донесе одлука дека конститутивната седница нема воопшто да се прекине и нема да има паузи се додека не се избере претседател на Собранието.

„Секој пратеник има право на збор, реплика и контра-реплика, и да зема плата за својата работа, но во исто време секој пратеник има и обврска и одговорност да го почитува Уставот, да ги воспостават институциите на државата и да ја почитуваат волјата на граѓаните сега искажана преку новото парламентарно мнозинство. Без тоа да го средат пратениците немаат право на паузи, не би требало „мирно на спијат“ и не би требало да земаат плата“, се наведува во соопштението на Алијанса.

Алијансата за позитивна Македонија смета дека според Уставот, Република Македонија е без Влада со мандат уште од распуштањето на Собранието на 17 октомври 2016 година, а веќе четврти месец е без претседател на Собранието, како втора најзначајна функција во државата.

„Имајќи во предвид дека и претседателот Иванов на неколку пати го прекрши Уставот на Република Македонија, јасно е дека државата се наоѓа во вонинституционална состојба уште од 30 декември 2016 година, кога не се заврши конститутивната седница на Собранието“, се вели во рекцијата на Алијансата за позитивна Македонија.

Поврзани новости