Апелација му ја укина затворската казна на Горан Грујевски, падна првата преуда по обвинение на СЈО

by Fokus

Апелационите судии во Скопје ја укинаа пресудата за ексначалникот на Петтата управа во УБК, Горан Грујевски, во предметот „Тврдина 2“, дознава „Макфакс“. Со пресудата, бегалецот во Солун беше осуден на година и пол затвор за уништување списи и документи за незаконското прислушување.

Тоа значи дека за овој предмет, судењето за Грујевски треба да почне од почеток. Oва е одлуката на тричлениот кривичен совет со кој претседаваше судијката Цветанка Периќ за жалбата на адвокатите на Грујевски. Јавната седница се одржа годинава кон крајот на март.

Причината за укинувањето на пресудата за случајот „Тврдина 2“, која ја донесе судијката Лидија Петровска, позната од бомбите, е тоа што не биле исполнети законските услови за на обвинетиот Грујевски да му се суди во отсуство. Според сознанијата на „Макфакс“, Апелациониот суд ја потврдил пресудата за службеничката во УБК, која исто така се жалеше, но на условната казна која ѝ беше досудена во овој предмет.

Поврзани новости