На јавна седница во Апелацискиот суд денеска ќе се разгледува жалбата на екс директорот на УБК, Сашо Мијалков, со која бара да му биде укинат притворот кој му беше одреден по изрекувањето на пресудата за случајот „Титаник 2“.
Притворот на Мијалков на 8 март му го одреди Кривичниот суд а по барање на СЈО. Тој истиот ден беше осуден на казна затвор од 3 години, на која има право исто така да се жали на Апелација. За истиот случај казна затвор од 3 години и два месеца доби и лидерот на ДПА, Мендух Тачи, а поранешниот член на ДИК, Бедредин Ибраими, беше осуден на казна затвор од 4 години и 6 месеци.
Поранешните членови на ДИК, Сашо Срцев, Влатко Сајковски и Анета Стефановска, добија казни од 3 години за незаконското поништување на гласањето на локалните избори во Струмица во 2013 година поради политичко влијание.
В.В.