Aпелација бара итно притворање на Сеад Кочан

by fokus 21:36
21:36

Апелацискиот суд им наложува на овластените службени лица од МВР, единицата за извиди и потраги, веднаш да го лишат од слобода осомничениот бизнисмен Сеад Кочан и да го спроведат на издржување мерка притвор во затворот во Скопје.

Ова е одлуката на Апелацијата, која денеска беше објавена во целост, а со која се потврдува притворот за Кочан.

Сопственикот на „Транс мет”, кој е првосомничен во случајот „Труст” на СЈО, се уште е во бегство, иако по него веќе една недела се трага со меѓународна потерница.

Судот потврдува дека тој се наоѓа во бегство и дека на 9 март годинава со возило ја напуштил земјава. Тоа е денот кога на Кочан Кривичниот совет му одреди мерка притвор, што укажува на можноста дека тој веднаш по дознавањето на одлуката, ја напуштил Македонија.

Неговиот адвокат тврди дека бизнисменот е на службен пат, а во меѓувреме најави дека ќе поднесе жалби за одлуката за притвор на повисоки судски инстанци.

Кочан се товари дека со фалсификувани документи наместил тендер во ЕЛЕМ од 17 милиони евра.

Поврзани новости