Антонио Милошоски менува професија, ќе работи како нотар

Антонио Милошоски денеска потврди дека нема да влезе во трката за пратеник на ВМРО – ДПМНЕ на претстојните предвремени парламентарни избори закажани за 11 декември.

„Сите и стојат на располагање на партијата, но јас побарав да не бидам на  листа“, изјави Милошоски на прес конференција.

Како што дознава „Фокус“, Милошоски менува професија – во центарот на Скопје веќе извесно време подготвува нотарска канцеларија.

Нотарскиот испит го положи на почетокот на годината заедно со Ермира Мехмети и Ивица Коневски.

Милошоски од 2006 беше министер за надворешни работи, но по парламентарните избори во  2011 година се повлече од функцијата наведуваќи дека тоа го прави од семејни причини.