Aлкалоид триумфираше во Атина

Голема победа на РК Алкалоид во првиот финален натпревар од ЕХФ Европскиот куп против грчки АЕК. Избраниците на Кире Лазаров победија со 29-25 на гостувањето во Атина, пред 8000 фанови.

Клубот од Автокоманда во јуни ќе прогласи четири години од своето постоење.

Најефикасен играч во таборот на Алкалоид беше Мартин Серафимов со шест погодоци, а „пет од пет“ имаше Франциско Да Силва. Голем удел во овој триумф имаше голманот Иван Галевски кој фати пет пенали и вкупно девет интервенции, додека двоцифрен со десет одбранети удари беше Марко Кизиќ.

Реваншот е наредната недела во Скопје во арената „Борис Трајковски“ со почеток во 20:30 часот.