Алијансата за Позитивна Македонија задоволна од исходот на преговорите

by Фокус 10:30
10:30

Главниот одбор на Алијансата за позитивна Македонија го поздравува постигнатиот договор за разрешување на политичката криза во Македонија, постигнат во Скопје на 2 јуни 2015 година, помеѓу четирите преговарачки политички партии под  посредништво на евро-комесарот Јоханес Хан и во присуство на амбасадорите на ЕУ и САД во Македонија. Целото нивно соопштение го објавуваме интегрално:

Потврдувањето на заложбите кон Евро-Атланските процеси и демократските принципи, кон зајакнувањето на меѓуетничките односи и унапредувањето на добрососедските односи, е неопходната рамка што можи да обезбеди квалитетно разрешување на кризата.

- Advertisements -

 За ГО на АПМ особено е важно што е постигнат договор да Република Македонија влези во транзициски период до крајот на април следната година, кога ќе треба да се одржат предвремени парламентарни избори, и дека во тој период ќе треба да се подобри изборниот Законик, да се пречисти избирачкиот список и да се почитуваат правата на малцинствата.

ГО на АПМ уште на 29 март 2015 година завзеде став и излезе во јавноста со ставовите дека до политичко решение на кризата треба да се дојде преку вонредни парламентарни избори кои ќе бидат организирани според нов Изборен Законик, кој треба да предвиди:

–   Целосно одвојување  на партиите од државата и од управувањето со изборниот процес;

–   Република Македонија да биде една изборна единица;

–   Отворени кандидатски листи;

–   Загарантирани пратенички мандати за сите заедници врз основа на уставниот принцип за соодветна и правична застапеност;

–   Департизација на Државната изборна комисија;

–   Пред распуштање на парламентот за сите наредни парламентарни избори да се формира непартиска техничка влада што ќе ги реализира изборите.

 За ГО на АПМ е неоспорно дека за да се спроведување на потребните реформи за применување на демократските принципи за време на транзициониот период потребено е да има транзициска експертска влада. За ГО на АПМ е неоходно пред изборите во април 2016 година, да се одвојат партиите  од државата, со тоа што ниту еден член на Владата не можи да биде кандидат за пратеник. Кој ќе се сака да се кандидира во листата на пратеници ќе мора да поднеси оставка од Владата, пред распуштањето на парламентот за престојните избори.

Поврзани новости